پام کوه ، چې کش یې نه کی !

راویان وایي چې داولسمشرکرزي ا ولسکشرورور، کرزي وئيلي دي چې دنیویارک ټایمزاخباردی ، دې نه غوسه کوي کنه ټوله عمله به یې محکمې ته راکاږي . داڅووم ځل دې چې ولسکشرولي جان د مایکروفونونومخې ته برګ برګ کیږي اوفکرکوي چې ګنې لالایې د۳۴ فوځونوقومندان اود۲۱ پېړۍ شاه جهان پاچا دې خوخبرنه دې چې لالایې یوعادي امریکایي ته هم ژاړي ، قوماندانۍ خودده له شان څخه لرې کاردې ، اونه د ( شاه جهان ) غوندی پاچاهي لري ، هو ، یونیم وزیربه یې دبيربل اوملا دوپيازه پېخې کوي خودهغوی په څېرکارونه خونه شي کوولای کنه . ۷ کاله یې لالا وایي چې « دابه وکم ، هغه به وکم » ، خوچې کله به خدای وس ورکړي چې (دا) یا ( هغه ) وکړي ، خوولي جان دخپل لالا څخه یوڅه تریخ دې ، که کوم افغان ته یې دسترګواکروران شي ، نوبیاتری دخلاصې نه دې . په ټول هیوادکی به دکوکناروکوم بزګراویادکنړکوم لرګبه خوله چوله کي چې ۳۶ غاښونه ورماتوي که نه . که ولي جان ووایي چې « داکندهارې به راکش کم ، هغه کنړې به راکش کم ) نوشک پکی نشته ، ځکه چې کړي یې دي خودایې په هیواد کی کړي اوکوي یې ، تراوسه ورته په بهرني هیوادونوکی د (کشؤلو ) تجربه نه شته خوچې دې سیالۍ ته یې په امریکاکی جرأت کړې ، توفیق یې غواړو . یوڅه چې باید دې ورته تیارې ولري ، هغه کشؤل دي چې باید تمرین یې کړي اوځان ورته چمتوکړي نوکه یوه وړه غوندی تجربه په امریکایي عسکروکړي ، بده به نه وي ، خوکه بیاهم په ځان کی دومره زورویني چې هرامریکایي کشؤلای شي نوپه خوله وئيلوته څه اړتیا ، داګزاودامیدان ! اوکه دیوه امریکایي عسکردځواب نه وي نوخوارواوبرمته پښتنوته دې ځان هم د ( شاه جهان ) دورورپه څېرنه ځلؤي . ولي جان که خیال کړې وي چې لالایې چې کوم محلونه دخپلې معشوقې لپاره اباد کړي ، ګنې چاته به د تاج محل حیثیت ولري خوکه له خیاله په سد شي نودلالامحلونه یې چاته دتاج محل د تشنابونو هومره ارزښت هم نه لري .
زماخوپوره باوردې چې کرزي صاحب به خپل ولي جان ته ویلي وي چې هلکه خوله دې یوڅه ګړوازه شوې ، یوڅه یې په واک کی کړه ، هسې نه چې امریکایان درته تری کلوشه جوړه نه کړي . مشرکرزي صاحب به کشرکرزي ته داهم ويلي وي چې هلکه کېدای شي هغه ارزه نوره نه وي راپاته شوې چې په فيل به لکه شاجهان سپاره ؤاوښکارونه به موکؤل ، پروېزمشرف درپه یادکړه چې هرڅه یې په یوه طریقه کؤل اوپه طریقه یې ځان خلاص کړخوزمونږ غوندې بې طریقي اورسوا به څه وخت وروسته خره هم په لغتووؤهي ، نوهغه چاته مه بوڅ بوڅ کېږه چې له سماوارنه یې نېغ د شورا ریاست ته راوستې . ښه به داوي چې دخپلې کمپلې سره پښې وغزوې ، که نورڅه نه وي نودومره روپۍ خودی وګټلې چې په هیوادکی خوبیا خشره کارۍ ته نه اړکېږې ، دومره خوباید فکروکړې چې که چېرې ( ښه نا ښه ) شي ، بیا به همدغوخلکوته زېړې سترګی ناست یو اوپناه به تری غواړو . اوداهم ښه په غوږوواوره چې دوباره په لوی لاس دمحکموخبرې دپښتنوغوږونوته ونه رسوې ، چې په هغه کشمکش کی به په خدای چې دخانګل خولۍ درنه ډېره ښه ښکاري ، کاڼه موتخلوصونه دي خوګوره چې ړوند نه شې ، شاوخواته دې وګوره چې څومره افغانان دغړوندو په لاس راته شنه ناست دي ؟ که داځل بیا هم د کابل لپاره وټاکل شم ، نورمی ګومان نه کیږي چې داوړۍ به راته شړۍ شي ، ماته خوښکاري چې دشړۍ پرځای خورا ډېرغړوندي جوړشوي دي اوډارېږم که مستربوش نه وي ، دا زما راشن به هم راباندی ودریږي ، نو ورورکه ، لږڅه پخپل ګرېوان کی سرټيټ کړه اوتېر۷ کاله درپه یادکړه چې په دغوکلونوکی مااوتا دکوم مرض دواشوي یوچې امریکایانوراباندې په سؤونومیلیونه شنه نوټونه بربادکړه ؟
لالادی جارسي ، چې نوره بد ماشي ونه کړي ، شوله دې خوره اوپرده دی کوه .